BUP KUDUS (BIBLE)

1. Asal Jako BIBLE (Bup Kudus)

    ~ datai ari jako Hebrew iya nya 'BIBLOS'

    ~ reti 'BIBLOS' nya 'Bup'

    ~ Ia disebut kitai Bup Kudus laban ia ngembuan jako Tuhan ti idup serta kudus.

2. Sapa penulis Bup Kudus?

    ~ Bup Kudus ditulis dipelaba ka 40 iko urang (engka lebih ari tu) ti enda sama pendiau. Sida tu orang ti udah diciri Tuhan enggau Roh Iya serta dikena Tuhan ngereja pengawa Iya.

   ~ Bup Kudus udah ditulis lebih ari 3,000 taun kelia.

3.  Berapa iti bup ke bisi dalam Bup Kudus?

     ~ Bup Kudus (BIBLE) bisi ngembuan 66 iti bup.

     ~ Bup Kudus bisi 2 bagi:

        (a) Bagi 1 ~ SEMPEKAT LAMA (39 iti bup)

        (b) Bagi 2 ~ SEMPEKAT BARU (27 iti bup)

4. SEMPEKAT LAMA dikumpul ngagai 5 iti bagi:-

    (i) Bup Taurat-------------------------------------------(5 iti bup)

   (ii) Bup Jerita Lama-----------------------------------(12 iti bup)

  (iii) Bup Pantun Enggau Penemu -------------------(5 iti bup)------> Semua ia 39 bup

  (iv) Bup Nabi-nabi besai-------------------------------(5 iti bup)

   (v) Bup Nabi-nabi mit--------------------------------(12 iti bup)

5. SEMPEKAT BARU dikumpul ngagai 4 iti bagi:-

    (i) Injil-----------------------------------------------------(4 iti bup)

   (ii) Surat Pasal Kerja Rasul-----------------------------(1 bup)-------> Semua ia 27 bup

  (iii) Surat-surat Bala Rasul--------------------------(21 iti bup)

  (iv) Bup Pemandang--------------------------------------(1 bup)

SEMPEKAT LAMA

A) Bup Taurat

--> 5 iti bup keterubah ditulis Mosses:- 

(i) Pemungkal (Kejadian/ Genesis)
 ~ ngenang penumboh dunya, asal kitai mensia, penatai dosa, bah besai (rambau Noah), peturun Abraham, asal Israel. 

(ii) Pemansut (Keluaran/ Exodus)
~ Ngenang pasal Tuhan ti mai anembiak Iya Israel ti nyadi ulun ba Ejip pansut ari Ejip diulu ka Moses nuju ngagai menoa ti udah disemaya Tuhan enggau sida.

~ Ngenang pasal 10 iti penusah ti ninggang menoa Ejip (baca ba bup Pemansut 7-12):-

 
  (1) Darah

  (2) Engkatak

  (3) Kerengit

  (4) Lalat

  (5) Pemati Jelu Tupi

  (6) Pisa

  (7) Kudi Ujan Batu

  (8) Buntak

  (9) Petang
(10) Pemati Anak Tuai

~ Ngenang pasal Tuhan ti melah tasik Mirah.

~ Ngenang pasal 10 pesan diberi (baca ba bup Pemansut 20:7-17):-     

         

  (1) Anang nyembah petara bukai semina Tuhan siko aja.

  (2) Anang ngaga engkeramba ka diri empu neladan gamal utai di langit tauka di tanah,sakali ka dalam ai. Anang nundok tauka nyembah barang engkeramba.

  (3) Anang ngena nama Tuhan enggau jalai ti salah.

  (4) Intu Ari Sabat (ari Minggu) lalu gaga ia nyadi ari ti kudus.

  (5) Bebasa ka apai indai diri.

  (6) Anang munoh orang.
  (7) Anang butang.

  (8) Anang ngenchuri.

  (9) Anang betenah ka orang.
(10) Anang ingin ka bilik orang. Anang ingin ka bini urang, ulun, sapi, keledai tauka barang utai bukai ti enggi orang.

~ Ngenang pasal nirika 'Langkau Sembiang', perengka ka dikena ba 'Langkau Sembiang' serta pekayan Imam ka mela pengawa ba 'Langkau Sembiang'.

(iii) Adat Lewi (Imamat/ Leviticus)
~ Ngenang pasal adat ti patut dikena urang Israel leboh sida meri piring; mayoh bengkah piring ti dienjok ngagai Tuhan:-

       
(1) Piring Ti Ditunu Segala

(2) Piring Tepong

(3) Piring Selamat

(4) Piring Penyalah

(5) Piring Bayar Ukum Penyalah

~ Ngenang pasal mayuh bengkah adat ka lalau bansa Israel enggau bala Imam ba pengidup enggau pendiau sida.

~ Ngenang 7 bengkah Gawai besai/ Gawai Pengarap bansa Israel:-

         

             (1) Gawai Paska

             (2) Gawai Roti Ti Enda Beragi

             (3) Buah Bungas

             (4) Gawai Ngetau

             (5) Gawai Taun Baru

             (6) Gawai Penyalah

             (7) Gawai Belangkau

(iv) Penyampau (Bilangan/ Numbers) 

 ~ Ngenang pasal pengawa Moses ti ngitong penyampau tuboh bansa Israel.

 (v) Ulang Adat (Ulangan/ Deuteronomy)

~ Ngenang pasal pengawa Moses ti nandu ngulang pekara besai ka nyadi ba bansa Israel 40 taun; minta orang mayuh ngingat ka gaya Tuhan ti udah ngiring sida nengah menoa puang, lalu minta sida ngasi seretan talok ka Tuhan.

~ Moses nandu Sepuloh Pesan, ngulang mayuh macham adat bukai kelalau pendiau sida Israel di menoa ti udah disemaya Tuhan ka sida, ngingat ka sida reti sempekat Tuhan lalu nandu semaya diri ti deka ngintu ia.

~ Joshua dipadu nyadi tuai anembiak Tuhan nganti Moses leboh iya udah nadai.

B) Bup Jerita Lama

--> 12 iti bup:-

      (i) Josua

     (ii) Pengulu

    (iii) Rut

    (iv) Samuel ti Keterubah

     (v) Samuel ti Kedua

    (vi) Rajah ti Keterubah

   (vii) Rajah ti Kedua

  (viii) Jerita Bansa Israel ti Keterubah

    (ix) Jerita Bansa Israel ti Kedua

     (x) Esra

    (xi) Nehemiah

   (xii) Ester

C) Bup Pantun Enggau Penemu

--> 5 iti bup:-

     (i) Jop

    (ii) Masmor

   (iii) Jako Dalam

   (iv) Pengajar

    (v) Pelandai Solomon

D) Bup Nabi-nabi Besai

--> 5 iti bup:-

     (i) Isaiah

    (ii) Jeremiah

   (iii) Sabak Kenang

   (iv) Esekiel

    (v) Daniel

E) Bup Nabi-nabi Mit

--> 12 iti bup:-

      (i) Hosia

     (ii) Joel

    (iii) Amos

    (iv) Obadiah

     (v) Jonah

    (vi) Mikah

   (vii) Nahum

  (viii) Habakuk

    (ix) Sepaniah

     (x) Hagai

    (xi) Sekariah

   (xii) Malaki

SEMPEKAT BARU

A) Injil

--> 4 iti bup
(i) Injil S. Matthew

*ditulis St. Matthew - Pengumpul Cukai (Matthew 9:9), siko ari 12 iko murid Tuhan Jesus

(ii) Injil S. Mark

* ditulis St. Mark tauka nama penuh iya John-Mark (Kerja Rasul 12:12) - petunggal Barnabas (Kolosi 4:10) - murid Rasul Peter (1 Peter 5:13)

(iii) Injil S. Luke

 * ditulis St. Luke - Lutor bansa bukai (Kolosi 4:14), lalu nyadi murid Rasul Paul

(iv) Injil S. John

 * ditulis St. John - rasul tauka anak murid ti dikerindu ka Jesus (John 13:23, 19:26, 20:2 & 21:7, 20, 24)

** 4 iti Injil tu ngenang pasal pengidup, pendiau, pemati, pengangkat, jako ajar, pejalai serta pengawa ti dikereja Tuhan Jesus Kristus leboh Iya begulai enggau kitai di dunya tu.**

B) Surat Pasal Kerja Rasul

--> 1 bup

      * ditulis St. Luke (orang ti sama ti nulis Injil S. Luke)
- tu ulih diperati ka ari cara ke sama St. Luke nulis 2 iti bup ianyak Injil S. Luke (Luke 1:1-4) enggau Surat Kerja Rasul 1:1-3

C) Surat-surat Bala Rasul

1) Surat ti ditulis Rasul Paul bisi 13 iti bup

     (i) Rome

    (ii) 1 Korint

   (iii) 2 Korint

   (iv) Galatia

    (v) Epesus

   (vi) Pilipi

  (vii) Kolosi

 (viii) 1 Tesalonika

   (ix) 2 Tesalonika

    (x) 1 Timoti

   (xi) 2 Timoti

  (xii) Titus

 (xiii) Pilemon

2) Hebrew

--> Surat ditulis nuju ngagai urang Hebrew tang enda temu sapa penulis surat tu kebendar. Bisi  sekeda urang arap ka surat tu ditulis ulih St. Paul tang bisi ga madah ka anak murid iya ti nulis surat tu. Iya ka bendar enda ditemu sapa penulis surat Hebrew tu ka bendar laban penulis surat tu enda madah ka diri dibanding enggau surat-surat ari St. Paul ka bukai sigi bisi madah ka diri. Tang, urang ka mansik gaya surat tu ditulis madah ka bisi sabaka enggau gaya surat-surat St. Paul ka bukai laban jako penutup ba surat tu ngembuan leka jako ka sama ianya 'Hebrew 13:25 ~  Awak ka pengasih Tuhan meruan ba kita samoa.' Sabaka leka jako penutup ba surat St. Paul ka bukai. Uji peda ba: Rome 16:20; 1 Korint 16:23; 2 Korint 13:14; Galatia 6:18; Efesus 6:24; Filipi 4:23, Kolosi 4:18;
1 Tesalonika 5:28; 2 Tesalonika 3:18; 1 Timoti 6:21; 2 Timoti 4:22; Titus 3:15 enggau Pilemon 25.

3) Surat St. James

--> Surat tu ditulis ulih James, menyadi Jesus Kristus. Iya mega rasul enggau tuai eklisia di Jerusalem.

4) Surat St. Peter

    (i) 1 Peter

   (ii) 2 Peter

5) Surat St. John

    (i) 1 John

   (ii) 2 John

  (iii) 3 John

6) Surat St. Jude

--> Surat ditulis ulih St. Jude menyadi James.

D) BUP PEMANDANG

--> Bup ti penudi ba tusun Sempekat Baru. Bup tu ditulis ulih Rasul John. Bup ti nyerita ka pemandang ti udah dipandang ka Tuhan enggau genera ngagai St. John ngenang pasal pekara ti ka nyadi maya ba pengujung dunya ila.

   

Tu meh gaya tusun enggau ripih bup-bup ka digumpul lalu nyadi siti Bup Kudus ka ngembuan jako Tuhan ti idup. Bup Kudus tu meh nyadi ka lalau enggau tenggau ba pengidup kitai orang Kristian.

*Masmor 119: 105 ~ Jako Nuan nyadi lampu ka tenggau aku, ka tenggau jalai aku.*

      

Bup Kudus ti tau dikarap...uji peda ayat tu:-

2 Timothy 3:16 ~ Samoa Bup Kudus endang bepun ari Tuhan., lalu ia beguna bendar kena ngajar utai ti bendar, kena mantah pengawa, ngadu ka pendiau ti salah sereta ngajar pengidup ti lurus